الاوهام
اشوف صورتك كما الاوهام
وصدى صوتك يقول لى كلام
واحس بدُنيا وخدانى لاحلى غرام
أقول ياحبيبى ليه غايب
انا عشقاك والفؤاد دايب
انا عارفه ماليش فى الفرح نايب
مابين حيرتى واشواقى
وبين دوامه وسواقى
ودمعه حارقه احداقى
أقول يمكن يعود تانى
حبيبى وكيف هينسانى
ويطرح ورد بستانى
ياصبر ليه ميعادك طال
مابين دمعه وبين موال
وذكرى تروح مع الاطلال
وعشق بيسرى فى الاوصال
انا صابره على ميعادك وكلى امال
شعر احمد اسماعيل/ شاعر العرب
تعليقات
إرسال تعليق