دور دور ! ياناعور
وأحنا ،،،،،،،،،،،،،،،،، اندور
ضاع الخيط ( والعصفور )
دنيانا بس حلم أقشور
ضاع البيت ضاع البيدر
( والناطور )
قصتنا صار ألها ( أسنين )
أنعد أيام ونعد أشهور
دور دور ! ياناعور
محاية مسحت طيبتنا
لا درس الينفع ويانا
مسروق الخير ( أبشاجور )
ليش الناس صار وكحة
مابيها ذرة أحساس
لا رحمة لا عدها ( شعور )
لا خيك ينفع بالدنيا
والبيت الربانة أسنين
خربان أو أصبح ( مهجور )
دور دور !!! ياناعور
جعنا أسنين وعطشنا أيام
محسوب العمر أبرمضان
نتسحر بالخبز اليابس
وبالماعون الدمع ( فطور )
دور دور !!! ياناعور
،،،،،،،
بقلم
عبدالسلام رمضان
تعليقات
إرسال تعليق