لا يحلو الغزل العفيف إلا بالعامية
فى عيد ميلادك حبيبتي
٠٠٠٠٠٠٠٠٠٠٠٠٠٠٠٠٠٠٠٠٠٠٠
الطير من بدري بيصبح
باعت ورد وزهور
والشمس طلعت م الفرحة
تخلق م الضلمة نور
وقمر الليل غار وادارى
منك يابدر البدور
ونجوم السما سمت صللت
على الحلو الأمور
وكواكب من آخر الدنيا
واقفين عندك طابور
بتغني وتقول هابى بارازدي
جاية تسللم وتزور
هيصة وزمارة ف باللونة
وصغنن لابس طرطور
سقف ورقص على ودنو
وضحك يكركر كركور
ونسيم الهوا جاي يعاكس
آه ياحتة بيتي فور
والبحر اتنطط علا موجو
بقى يقلب ويفور
وشوارع لحظة ماتعدي
تفتح سكة مرور
وزفة بلدى على فسحة
مع مهرجان حنطور
وحورية م الجنة تشوفك
تندهة بنات الحور
تعالوا شوفوا أوام جمالها
يسوى كنوز وقصور
رقيقة خالص من يومها
رقة دبدوب فرفور
ياقلب أبيض زى الفل
عمره ماكان بيجور
ياعيون م الحسن بتقتلني
فيها الجمال مسحور
والأرض الخصبة تقول ليكي
عفية ماهياش بور
والشاعر من حسنك يشعر
معلش ياناس معذور
وسواقى مية سنين واقفة
تنشط تلف تدور
واللى واخد واحدة وحشة
يجري يحضر ساطور
وسحر العطر ده خللاني
أبطل اكون مغرور
وناس بتحسد مش عارفة
إن الحسد مذكور
واللى خايف من عنيا
يرقي يبخر بخور
وعربيات خردة صفيحة
تجري وملهاش موتور
ومريض من ألمه بيتعافى
يشفى بدون دكتور
حتى الفلاح لما تهللي
لازم يقول دستور
يازهرة حلوة بلون شرقي
حماكي رب غفور
بقلم الشاعر
هشام احمد عبد النبى
تعليقات
إرسال تعليق