* شعر غنائى ..نفسي *بقلم / أ. الشاعر الغنائى .. محمد البريمى ..

 شعر غنائى ..

(( نفسى ))

تعالى يا حبيبتى أما أقولك .. أنا نفسى ف إيه ..

نفسى أدخل جوه قلبك .. أعرف إيه اللى  فيه ..

إن كان دا حب ولا كره .. أنا مش هأزعل هو حر ..

أنا هأسيبه كده على راحته .. لما نار الشوق تكويه .. .. 

        تعالى يا حبيبتى ..

إوعى تخبى عنى سرك .. أنا مش ناقص حيره و أسيه ..

الدنيا وحدها بس كفايه .. مشبعانى ميه الميه ..

نفسى أعيش لحظه ف أمان .. و إنتى معايا ف أى مكان ..  ..

أنسى إنى محتاج حنان .. و أشبع لما أفول حنيه ..

        تعالى يا حبيبتى .. 

فيها إيه يعنى لو تضحى .. مره علشانى ..

دا يبقى جميل مش هأنسهولك .. طول زمانى ..

أنا ياما ضحيت برضه علشانك .. و أهو دلوقت جه آوانك ..

ونا مستنى كلمه منك .. فيها كل المعانى ..

       تعالى يا حبيبتى ..

بقلم الشاعر الغنائى ..

محمد البريمى ..