........(ماحبيتينيش).......
عملت كتير عشان حبك
زرعت الأرض بعطائ
زرعت القلب من ودك
عشان تحصدي تلاقي
وباردو خدتي ماديتينيش
أنا القلب اللي عاش ليك
وساحته تبقى واديك
بدمة وياما يديك
وفي عروقي طلع لك ريش
كتبت على السما حروفك
سعيت العمر في ظروفك
رويت بالحب معروفك
عشان أعرف معاك اعيش
عملت من النجوم لولي
بدون ماتقولي جبهولي
على صدرك وكان عقدك
وكنت مصره متحنيش
برغم العشق جوايا
وشوق مخلوط بهوايا
لأملك كنت ضلايه
ولكن باردوا مارويتنيش
غرثت في ضلمتك شمسي
رويت حلمك بشوق همسي
حميتك بكره مع أمسي
ولكن باردوا مافهمتيش
سنين عمري وعايشالك
في بردك جلدي كان شالك
في بعدك عيني عايشالك
وبسمة على الشفاه ماتجيش
عشان مشغوله وبغيري
طيرتي ولا هتطيري
عشان عرفت ايه مصيري
أخدتي وباردو مااديتينيش
ومهما كنت بتقولي
حروف متطرزه بلولي
لسان بكلام وبتدوري
كلامك كله ناقصة يعيش
بلاش نكدب على قلوبنا
ولو حبك مدوبنا
بلاش نكدب نقول توبنا
يادوب توبنا وكان من خيش
قدرتي ترسمي النظرة
صفا عيونك وكات حاضرة
لكن في عيونك القادرة
يبان كدبك وماتخبيش
طمعتي في دنيتي بالشوق
سرقتي القلب اللي كان مخنوق
قدرتي تسرقي بالذوق
ومن ضعفي عملت شويش
ضحكت عليا وبجهلي
وعرفتك مكان سهلي
وسوقتي فيا على مهلي
عرفتي إيه يريحني وايه معييش
ولسه مصرة على كدبك
وباستغلالي كان أدبك
وموت القلب كان سببك
وتاني رجعت للتهميش
ذكائك وحدي وزرعته
في يوم كدبك وصدقته
وعمري نسيته وسبقته
بإيدي بعته ليك رخيص
حكيت لك كل أذماتي
وقلت الماضي والآتي
بسرعة ملكت ليه ذاتي
تاجرتي حتى بآهاتي
بدمعة ركبت عرباتي
وبعتيلي ملزاتي
رويتي أرضي بالتشويش
خلاص صدقت م اللحظة
تشوف العين وملاحظة
غرامك اللي متفبرك
وانا قابلك ويوم قابلك
ويوم إداكي أو جاب لك
خلاص قلبي معاك مفيش
تعب م الكدب وحكايته
قناع مرسوم وله نهايته
بيحلم باللي كان فايته
على وطني زرع رايته
على هدمه بياكل عيش
خلاص انسي وبان كدبك
ياريت تمشي على دربك
لاتحاسبيني ولا حسبك
تهمي والا ماتهميش
خلاص إهدي قناعك بان
على وشك وكان له بيان
انا اللي خسرت كل رهان
وتوهت وقلبي في العنوان
تعبت ولسه ماتعبتيش
زرعت الشوق طرح أحزان
انا اللي كنت فاكره إيمان
بنيت قصري على الأوهام
على رملة وموجك كان
يهد القصر بالبنيان
حلمت وقلت ماحلمتيش
عشان عمرك ماحبتنيش
.......(شعر).........
عبدالله السايح
.......
تعليقات
إرسال تعليق