ماعدش
(ماعدش)
ماعدش حياء
ماعدش احترام
ماعدش أدب
ماعدش أخلاق
ماعدش شعور
ماخلاص
ماتو اللى كانو
بيختشوا
وكتير عايشين
مابيختشوش
كلمتين هقولهم
فيه ناس هتزعل
وناس ماهيزعلوش
***
النهارده
يبقى لسه حد ميت
ودموع أهله مانشفوش
وجنبه تتنصـب زفة
ورقص وأغاني بصوت عالي
الودان مابتطقوش
الشعور الله يرحمه
بقى شيئ غريب مانعرفوش
ماخلاص
ماتو اللي كانو بيختشو
وكتير عايشين مابيختشوش
***
زمان
لماستي ماتت
فضلنا قافلين الراديو
سنه كامله مابنفتحوش
وفضلنا ياما زعلانين
زمان الموت كان ليه هيبه
أما النهارده بقى عادي
وناس كتير مابيخافوش
واللي يموت بيتنسى
وخلاص مابنذكروش
قست القلوب
ومات فيها الخشوع
والكل في الدنيا اتخدع
والآخرة نسياهاالدموع
مع انها النهاية والرجوع
والموووووووووت
مافي حد ماهيشوفوش
ماخلاص
ماتواللي كانو بيختشو
وكتييرعايشين مابيختشوش
***
النهاردة
التكاتك
ماعدش حد بيمشي ساكت
كله مشغل مهرجانات
حتى كمان الموتيسكلات
والدراجـات
كله عايش في الهساتك
الأخلاق في الشارع ماتت
ولوتقول لواحد عيب
ممكن يغزك بمطوة
ويجري يجري ماتشوفوش
ماخلاص
ماتو اللي كانو بيختشو
وكتير عايشين مابيختشوش
***
النهارده
البياعين ماشيين ليل نهار
قاعدين ينادو ع الخضار
بمكرفون صوتو يصحي الميتين
ولا فيه ذوق ولا رحمة ولادين
ولا حد بيقول كده غلط
ولا حد بيقول كده عيب
شاطرين بس يحاربو
مـكرفون الجامع
لما يقرأ الإمام للمأمومين
والشكاوي للإدارة تروح وتيجي
للأسف م المسلمين
اللي بدل ماترجع لربنا
وتملا المساجد
عشان ينجينا
من الوباء والبلاء والغلاء
وينصرنا على الأعداء
لا
ماعدناش عايزين
نسمع حتى صوت الأدان
خاصة أدان الفجر
أصلنا طول الليل ع الفيس
وقبل الفجر بدقايق ندخل ننام
والنوم سلطان مابنمنعوش
ماخلاص ماتو اللي كانو بيختشو
وكتير عايشين مابيختشوش
أسفي
شاعر الإحساس
رضاعبدالحميد
***
تعليقات
إرسال تعليق