...........( تونس تعود
) ................
تونس ياخضره رب القدره أمر بخلاص
تعود أرضك بنار عرضك
وتسقي الخونة مر الكاس
أحضان ولادك في يوم ميلادك
كانوا أحن الناس
حلفوا بنارك هياخدو تارك
ولو بحد الفاس
سنين ومخطوفة في الحضن ملهوفه
ولا يحنوا مرة الراس
ناسك وعارفينك من كل دواوينك
أبيه ومحملة إخلاص
عارفه محبينك همه شرايينك
يحموك من أي واحد داس
داسك بإسم الدين عامل صلاح الدين
والقلب قلب كوهين خدعوك في الإحساس
كالعادة موارية قالوا إحنا ثورية
وبذورنا حرية مزروعة في الكراس
إنقضوا ع الثورة ودخلت في مناورة
سرقوك كام دورة سرقة وبالإخلاص
الظلم ظلموه والعدل صلبوه
والحلم باعوه لخليفة مايسواش
مفتاحك الغالي مع بابك العالي
سرقوه وبات خالي والشعب بات محتاس
وسنين عجاف عيشتي وسط البحور توهتي
من ظلمهم كنتي تبكي وطالبة خلاص
والظلم صحى الحلم ثورة ولادك علم
رافضين لهذا الجرم ثاروا على الأوباش
وندهت حورية رافضه العبودية
حب الوطن غية وحسابنا للي مجاش
للي يهين شعبه يرفع عليه كعبه
الشعب هيحاسبه والشعب مابينساش
اللي سرق خيره وإعطاه بقى لغيره
محسوب بقى مصيره السجن والحراس
داسوا على أرضك مع إنهم سردك
منهم وكان مرضك باعوا الزاتون ببلاش
واتسلحوا بالدين في عنينا بنآدمين
في عروقهم الشياطين ماشافوش في غيرهم ناس
جماعة معروفه بالكدب معزوفه
علينا محدوفه من سكة الأوباش
لكن خلاصهم حان ولكل وقت آذان
على كل واحد خان إعدامه يبقى أساس
..............(شعر).................
عبد الله السايح
............
تعليقات
إرسال تعليق