.........(كل مرة).........
قلبي قول لي انت فين
مش طبيعي من يومين
انت تايه والا عاشق
والا محتاج للحنين
كل مرة تطير بعيد
ترسم الزمن الجديد
تحت نار الشمس واقف
والجناح مش من حديد
رغم سنك لسه أخضر
كل عمرك ليه تدور
ع الوجع ديما تقرر
م الوجع ديما تذيد
القمر لسه ف سماه
لسه طول الليل معاه
لسه خيط الفجر أبعد
من إحتياجك للحياة
غزي روحك بإبتسامة
بنظرة من قلب اليمامه
إبني برجك في العلالي
والنجوم تبقى العلامة
لسه حلمك في الشروق
خلي أملك في العروق
شد حلمك قول له فوق
محتاجين نبقى في سلامة
نغرث البذرة بهدوء
نحرص الزرعة بشوق
سد أرضك م الشقوق
إحمي ارضك م الملامة
خلي نور الحب باقي
إروي مني كبريائي
عشق صادق لو تلاقي
في الضلوع تبني مكانه
حب آخره مفيش إهانه
..........(شعر)...........
عبدالله السايح
تعليقات
إرسال تعليق