كـنـتـي فــيـن ؟!
كنتي فين
كنتي غايبة عني فين ؟!
كنتي فين وشموعك قايدة
من سنين
كنت بحلم تبقي جنبي
والشعور كان مستخبي
لسه فيه دقة في قلبي
دقة حسةبالحنين
طب عرفيني
كنتي فين؟!
إنتي عارفة
إن إنتي غالية ...
والغلاوة مش بالكلام
لو عرفت إن إنتي جاية
كنت أفرش ريش نعام
والله ما يغلى عليكي
أهدي عمري كله ليكي
يا شمعة قادت في سمايا
نفسي أعرف لوسمحتي
كنتي فين ؟!
إنتي يا جنة ف حياتي
نورت لما عرفتك
شفت فيكي ذكرياتي
لما بس أنا جبت سيرتكِ
يجعلك دايمة ف سمايا
دايمة ليَّ وتكفي صورتكِ
إتهديت أنا والله بيكي
لما جمعتنا المراية
لو أهديكي العمر كله
بس أعرف مرة واحدة
....... كنتي فين ؟!
............................................
القاعة الذهبية بنادي الشرطة
بمدينة نصـــــر
في ١٦ / ٧ /٢٠٢٢ م
سؤال حائر من عريس الليلة
لعروسه الآنسة: حنان هشام مهدي
إهـــــــــداء
من الشاعر : د . هشــام علي
.............................................
تعليقات
إرسال تعليق