تنابلة السلطان
قاعدين ع القهاوي
يكركروا الشيشه
والراديو والغناوي
وطاولة وزهر
وشهر حاضن شهر
وصور متلزقه
على حيطان المكان
متلونه بالقهر
وانا قاعد
بأمضغ ف السكات
جانى خبر
ابويا مات
كان يوم سبت
والسبت فات
والحد فات
وبعدبكره يوم التلات
احنا هنا ولحد الممات
من كتر الهم
قلبى انحنى
من السكات
قالوا اصبر
ع اللى فات
وفضلت صابر
حد ما صرخ
صمت السكات
الدمعه هجت من عيونى
مليانه وجع
ام كلثوم والاهات
كنت باسمعها بقلبى
قبل الودان
وصوت امى جاى
قوم اتوضا
الفجر على أدان
فركت عينى
الغرقانه سهر
وابتسمت
ليل طويل
تاه الصبح جواه
واللى فات
واللى راح
حرف مخنوق م السكات
جوايا ياما حكايات
الف رحمه ونور يامه
ويرحم ابوى
اللى من زمن مات
بقلمي
الناقد حمدى البوقي
تعليقات
إرسال تعليق