تايه
**************
مت يا بايا
وبقيت مش واقف ف مكانك
وانا لسه يا بايا ما حستشي
انك مش جاي عند عيالك
والله يا بويا ما انا مصدق
انك مش راجع تاني البيت
وبلف وادور وارجع ادقق
وبقول هلقاه مهما أن لفيت
اتاريها الدنيا الكدابه بتفرق كل الاحباب
وبقيت وحدي ف وسط الغابه المليانه كلاب
تايه مش لاقي ف يوم مرسي
يحضن مركب شابت م الهم
وسنين وايام عماله تقسي
والجرح اللي ما راضي يلم
وحشتني لمتنا يا بايا
وكلامك بعد صلاة العيد
وف صوتك بترتل ايه
بتكون الدمعه سابقه اكيد
ف الجنه يا بايا بأذن الله
على وعد حبيبنا رسول الله
راح تشرب من أيده الطاهره
ميه من الحوض اللي معاه
***********
عمرو تمساح ابوسفيان
تعليقات
إرسال تعليق