لحظة صفا
ساعات
الاحتياج والاشتياق للحياه يتقابلوا صدفه بالطريق
يتفقوا بوعد صادق اكيد
يسعدوا قلوب الاحبه
بس الطباع ساعات بتكون
ضباع
واحنا فى الحياه وجعنا
بالضياع
ضياع المحبه والاهتمام والظروف والضرورة
والكيان
والشكل الاجتماعى
والمثاليه الذياده
وكل ده واحنا بنلف بانتظام وبندور زى بندول الساعه فى مفرمة الحياه.
الصوت بقى موحد .
مفيهوش لحن ولا دفا ولا تفاصيل
.كل الردود بتكون
بكلمه واحده اتفق عليها
كل المعذبين عنوان السكوت تسالهم مالك وفى ايه جديد؟
.تقول أو يقول اللسان
كله تمام .
كلمة تمام.انذار بانفجار قريب
.أو هروب من مواجهه
ودخول فى صراع من اعتراف بوجع بروح
أو جرح مؤثر فى القلوب
أو احساس بإحباط من محاولة الرجوع لطبيعة الحياه
أو انتباه الشريك أنه مخطىء فى حق الموجوع معاه.
سراب عايشنه وبرضانا
أو غصب عنا بحكم الظروف
.العمر واحد وعلينا اختيار السعاده
ولو فى القلوب والوضع الظاهر يبقى ثابت
.أو البقاء سجناء جوا روح حزينه وقلب ميت وفكر شارد
انت القرار بالسعاده أو الموت اسير فكر جامد من كلمه مستحيل.
محمد فوزى العليمى
تعليقات
إرسال تعليق