ي الساكنه في جوف الـفؤاد
متملكــه الروح والـجســــد
مالك مصـــره علي البعـــاد
انا طـرفي دونــك م هجــد
القسمــه عـند رب العــبـــاد
لا تكـتلـي الريد في المــهد
لا تقطــعي حبـل الــــــوداد
البيــنا شـــوق م ليهو حـــد
ي غالـــيه م جفـــه المــداد
لا حــدا مــوج الشــوق عدد
انا لســه في نفــس الميعاد
جايـيك والبــال فيك شــرد
عارفك ســحر لي خيــر زاد
ما خاب ظـــني ولا فســــد
جاييك والشـوق في إذدياد
عمـــرآ بدونــك بابو سُـــــــدّ
جايـــيك لـــو لـــي اللــه راد
انا قلـــبي في حــبك زهــــد
وبقـت سنيني بلاك ســـــهاد
وعـــــزاب هــدت حـيلي هد
يا روحـــي من هجرك أكــاد
أنــدهلك ااااااا روحي واجد
عينـيك تريدني بدون حياد
تـــديـــني من حــنك مـــــدد
انا كنت من قـبلك وحـــــيـد
لا ريــــده لا حـــن لا سهــــر
كـــم قالو عني شقي وعنيد
وانا لاهـــي م جــايب خــبر
الدنـــيا صــاح أم الجـــديــد
طلــيتي من وين ي سحــــر
ودخـلتـي كيف نص الوريـد
زوبتــي قلــبآ كـــان حجــــر
أرديتي في حبــك شهـــيــد
شـيــعتــي والدمــع إنهمـــــر
كـــان مـوتو بين إيديك عيد
فوق قبـــرو قام نبت الزهــر
إخلاصـو ليك ح يبين أكيـــد
إستني بس م تشوفي شـــــر
وانا لســه حاظف ليكي ريــد
يمكــن قلــيبـــك يعـــــــتــزر
أو يمـــكن الأيــــام تعـــــــيد
نفس التفــاصــيل والسِـــــير
أصــلو المـــسامــــح مستفيد
م شفنا زول ســـــامح خـسر
ي درة القـــــول والقصـــــيد
انا عــــافي ليك هـــذا السهر
دام في الحصــل م ليكي إيد
انا راضــي بي حـــكم القــدر
عبــــدالرحمن عمــــــر
(#عبــدوش)
تعليقات
إرسال تعليق