** الحياة حبة حاجات **
الحياة حبة حاجات
ضحك ، فرح ، كتير أهات
نبتسم ، واكيد بنحزن
تبقى أحلى ذكريات
الحياة حبة حاجات
والأمل مع بكرة أحسن
والمرتب مصر وفات
كهربا ، مية ، ومسكن
والحقيقة .. في حياتي
هى أولادي و مراتي
والغرام طهر وثبات
فى الشباب الحب صارخ
والهوى قرب وشتات
المسافر ، والمعافر
والمكافح ، والذوات ،
واللي قاسي في كلامه
تلقى فعله طيبات
والمطاوع ، والملاوع
والنهار في الليل يبات
نفسي أقول لكل قلب
اوعى تنسى يوم تحب
أم بنتك والبنين
والأهالي الطيبين
دولا سندك في الحياة
بالأيديين المفرودين
لو يشاركوك المتاعب
تبقى سهلة حبتين
والحياة سكر نبات
لو لقيت الصعب حربك
نادي روحك ، انت فين
تلقى قلبك ماشي جنبك
والحياة بدأت تلين
تبتسم في الحزن عادي
تبكي فرحان حبتين
السنين تجري قصادك
أنت و أهلك مبسوطين
والفرح يملأ الساحات
بقلمي الشاعرناصرعطامحمد
البلد مصر
تعليقات
إرسال تعليق