قلعت جدوري من بدري
وطفيت النار !
وقلت أخبي منكوا أوراقي
وما اشفش نهار
لقيت في غروبي عن داركوا
بعيش في مرار
يا ساقيةوبيَّ دوارة
نهايتك فين ؟
بديتي معايا بسيجارة
وقول نفسين
فضلتي تدوري وتدوري
وأنا فيكي من المطاحين
مفيش عندك هدف تاني
غير التخمين
باعوني كل مين كانوا
أعز صحاب
عرفت الذل ومكانه
وشفت خراب
ما لاقي كلمة أوفرها
لوقت حساب
سيبوني ياناس بقى ف حالي
بدون أسباب
وداع للكيف وللصاحب
ما عدش يفيد
وداع للكل م الآخر
بلا مواعيد
ولا ح استني يوم خاين
ياخد بالإيد
نويت أهجر إللي مش فايد
بدون تحديد
___________________________
المهندسين في ١٤/ ١٠/ ٢٠٢٢م
رسالة من مدمن
تأليف
هشام علي
___________________________
تعليقات
إرسال تعليق