#حاجات_كتير
#ايمن_شتا
في جوا مني حاجات كتير اتكسرت
في جوا مني حاجات كتير ماتت خلاص
وقت الوجع كل الوشوش اتغيرت
وكلام كتير نازل بيقتلني برصاص
....
مبقتش عارف مين معايا ع الزمن
ولا مين صاحبني وحبني
ومشيت طريق حاسس في آخره بالندم
ليه كل خطوة بلقى حاجة تصدني
....
انا اللي صابر ع الحياة وبختي راضي
انا اللي موجوع م الألم وياريت يروح
كل اللي فات من عمري انا شايفه قصادي
حاسس بعمري بينتهي بين الجروح
....
في جوا مني حاجات كتير اتكسرت
في جوا مني حاجات كتير ماتت خلاص
وقت الوجع كل الوشوش اتغيرت
وكلام كتير نازل بيقتلني برصاص
....
ايمن شتا
تعليقات
إرسال تعليق