2850

ستي عندها ثوب     ..#بقلمي علي حسن

ستي عندها ثوب

وعالراس حاطة شال

من اليوم إسمه كوفية

وعالخصر والله مزنرة

براية وطن

والإيد ترسم آمال من جذورنا العربية

وعالكتف حاملة هموم يا سائلي

لا تعجب إن قلت إنه ما يِنشال

وحقيبة فيها هوية

والراس خلقه ربنا للفكر والتذكير

مرسوم عالجبين كل يوم إحنا بِحال

والحال صار يومية

والشعب مش كلام في كلام

ولا هو بِقصة مكتوبة وأقوال

وكتاب أوراقه ندية

والشعب قِصة وطن وكتاب في سطور

أوراقه ما زالت تِحتضِن لقارئي الأمثال

يومياتنا صارت محكية 

ستي عندها ثوب مطرزة أطرافه

بخيوط من الشريان وعالراس شال

والخصر أرض مروية

و أغنية عالِلسان بتٍشعِل في القلب ثورة

مسكوبة من أرض مليانة آه ما تِنذِكِر بٌكرا

وعالكِتِف حاملي بندقية 

ستي عندها ثوب وعالراس حاطة شال

ومن العمر وردة لِسامع صوتي

ومن مرّ على سطوري وردة هدية

وأغنية عالبال تِتمَختر أٌُهدِيها

لِأشبال الزيتون مرصعة

بشذى الزعتر من وجه حورية

                  .. علي حسن ..