تحلفلي اصدقك
عينك في عينيه وتحلفلي
احنا لبعضينا انا وأنت
مستني اشوفك من امتى
وقلبي كتير كان يشكيلك
ولا همك يوم راحة قلبي
لا قربي منك يواسيني
ولا بعدي عنك ينصفني
بتعمل كده ليه
وتهرب مني
ولا من الأصل انت مصمم
تبعد بعيد دايمًا عني
ولما تسأل يوم عن حالي
ما تستناش قلبي يجاوبك
الحب ما كان بس كلام
ولا واجب محتاج لعلام
ولا عمره يوم كان محسوب
ده احساس ساكن قلبي
ترياق يشفي من الامراض
خليت ليه الحب ذنوب
وانا منه ناوي اني اتوب
تسحبني تاني لبحر هواك
وتقولي غرامي عليك مكتوب
يا حبيبي مهما تأكدلي
عينيه شايفه كلام تاني
ليه كل ما ابعد تندهلى
وتقولي بحبك صدقني
وكل ما انوي عنك اصوم
في نفس اليوم ارجع تاني
واغرق في حبك لوداني
بقلم : سيد جعيتم
جمهورية مصر العربية
تعليقات
إرسال تعليق