ـــــــ** مــــــــاشـــــــي **ــــــ
ماشي يا دنيا اجرحي
وبدمعي هيصي وافرحي
من جراحك عليا يلا وزاعي
زيدي كمان ولا ترحمي
ماشي وسايب حالي
مرك بقا يحلالي
لفي بيا ودوري
في الموت متاخريش دوري
سدي بيا كل الطرق
خلاص في بحرك حلمي غرق
دمعي حبر وملا الورق
غنايا حزن لا يفترق
حملي تقيل جوه السابق
من صغري فرحي
سابني وفرق
والقمر ضيه عني اتمنع
ضلم حياتي وقال الوداع
نبض قلبي آهات صوتها اتسمع
ووردي دبلان......
اساسه اصلا ماتزرع....
ماشي يادنيا وشكرا ع الوجع
وكتر الف خيرك.....
علي فرحي اللي اتمنع
ماشي يادنيا اجرحي
وبدمعي هيصي وافرحي
ـــــــ ** مــــــــاشـــــــي ** ـــــــ
بقلمي محمد رمضان
27/9/2023
تعليقات
إرسال تعليق